संसारका मजदुरहरु - एक होऔं !
मार्क्सवाद - लेनिनवाद - माओवाद - जिन्दावाद!
उपलब्ध पूर्वस्थायी समिति सदस्य र प्रदेश इन्चार्जहरुको बैठक सम्पन्न
काठमाडौं । नेपाल कम्युनिष्ट पार्टी (माओवादी केन्द्र) पूर्व स्थायी समितिका उपलब्ध सदस्यहरु र प्रदेश इन्चार्जहरुको अनौपचारिक बैठक आज (वैशाख २ गते) बस्यो । बैठकमा पार्टी अध्यक्ष क. पुष्पकमल दाहाल ‘प्रचण्ड’ले समसामयिक राजनीतिक परिस्थिति र स्थानीय चुनावमा सत्ता गठबन्धनमा भएको तालमेल सम्वन्धी छलफलका विषयमा जानकारी गराउनुभयो ।
बैठकमा गठबन्धनमा सहभागी सबै राजनीतिक दललाई एकतावद्ध बनाएर चुनावमा केन्द्रीत गर्न पार्टीको तर्फबाट अधिकतम पहल गर्ने तथा परिणाम देखिने गरी चुनावमा सिंगो पार्टी पंक्तिलाई केन्द्रित गर्ने विषयमा छलफल भएका पार्टी प्रवक्ता क. कृष्णबहादुर महराले जानकारी दिनुभयो ।
स्थानीय चुनाव नजिकिएसँगै देशब्यापी रुपमा विभिन्न पार्टी परित्याग गरी माओवादी केन्द्रमा पार्टी प्रवेशको लहर बढेको बारे बैठकमा छलफल भएको छ । बैठकमा माओवादी केन्द्रमा एकीकृत हुने प्रक्रियालाई व्यवस्थित गर्ने र प्रदेशहरुमा पनि पहल बढाउने विषयमा समेत छलफल भएको जानकारी गराइएको छ । पार्टी प्रवेश गर्ने सबैको राजनीतिक पृष्ठभूमि र योगदानको मूल्याङ्कन गरी उचित भूमिका दिने सम्वन्धमा आवश्यक मापदण्ड बनाउने निर्णय भएको प्रवक्ताले जानकारी गराउनुभयो ।
