संसारका मजदुरहरु - एक होऔं !
मार्क्सवाद - लेनिनवाद - माओवाद - जिन्दावाद!
इतिहास
अप्रिल २२, १९४९ तदनुसार २००६ साल वैशाख १० गते नेपाल कम्युनिष्ट पार्टीको स्थापना भयो । अन्तर्राष्ट्रिय कम्युनिष्ट आन्दोलनमा चलेको बहस तथा नेपाली कम्युनिष्ट आन्दोलनमा देखा परेका मतभेद तथा वैचारिक संघर्षको दौरानमा अनेकौं पटक कम्युनिष्ट पार्टी विभाजन र एकीकरण हुँदै ३० को दशकबाट थालिएको एकीकरण र पुनर्गठनको क्रममा २०७३ साल जेठ ६ गते नेपाल कम्युनिष्ट पार्टी (माओवादी केन्द्र) बनेको हो ।
यसक्रममा २०७५ जेठ ३ गते नेपाल कम्युनिष्ट पार्टी (माओवादी केन्द्र) र नेपाल कम्युनिष्ट पार्टी (एमाले) को बीचमा पार्टी एकीकरण भएर नेपाल कम्युनिष्ट पार्टी (नेकपा) बनेको थियो । २०७७ फागुन २३ गतेको सर्वोच्च अदालतको फैसलाद्वारा नेपाल कम्युनिष्ट पार्टी (माओवादी केन्द्र) को पुनर्स्थापना भयो।
नेपाल कम्युनिष्ट पार्टी (माओवादी केन्द्र) नेपाली सर्वहारा श्रमजीवी वर्गको राजनीतिक प्रतिनिधि संस्था हो। यसले मजदुर, किसान र सम्पूणर् उत्पीडित जाति, भाषा एवम् सांस्कृतिक जनसमुदाय समेत आम जनताको हितलाई प्रतिनिधित्व गर्दछ। यो जनआधारित कार्यकर्ताहरुको पार्टी हो। यो पार्टी सर्वहारा श्रमजीवि वर्गको अग्रदस्ता हो ।
मार्गदर्शक सिद्धान्त
यस पार्टीको मार्ग दर्शक सिद्धान्त मार्क्सवाद-लेनिनवाद-माओवाद हो । पार्टीले आजको समाजमा रहेका वर्गहरुको अस्तित्व, वर्गहरु बीचको अन्तरविरोध र वर्ग संघर्षलाई समाज विकासको अनिवार्य एवम् मुख्य आधार मान्दछ। पार्टीको रणनीतिक लक्ष्य समाजवादी क्रान्ति सम्पन्न गर्दै वैज्ञानिक समाजवादको निर्माण गर्नु र अन्ततः साम्यवादी दिशामा अघि बढ्नु हो। समाजवादी क्रान्तिको रणनीति अन्तर्गत सामन्तवादका अवशेषहरुको अन्त्य एवम् जनवादी क्रान्तिका बाँकी कार्यभार पूरा गरिने छ। राष्ट्रिय स्वाधीनतालाई केन्द्र बिन्दुमा राख्दै विश्व साम्राज्यवाद, विस्तारवाद, नवउपनिवेशवाद लगायत सबै खाले वैदेशिक हस्तक्षेप र शोषण उत्पीडनका विरुद्धको संघर्षलाई निरन्तर अघि बढाइने छ । त्यसक्रममा एकाधिकार, दलाल तथा नोकरशाही पूँजिवादलाई विस्थापन गर्दै राष्ट्रिय पुँजीको संरक्षण र सम्वर्धन गरिनेछ। राष्ट्रिय स्वाधीनताको रक्षा तथा आत्मनिर्भर अर्थतन्त्रको निर्माण गर्दै समाजवादको आधार तयार गर्नु पार्टीको तात्कालिक कार्यभार हो ।
१० वर्षको महान् जनयुद्ध, विभिन्न समयमा चलेका सशस्त्र आन्दोलन, ऐतिहासिक संयुक्त जनआन्दोलन एवम् मधेशी, आदिवासी जनजाति लगायत सबै प्रकारका उत्पीडित वर्ग र समुदायहरूद्वारा सञ्चालित आन्दोलनहरुको परिणामस्वरुप प्राप्त भएको संघीय लोकतान्त्रिक गणतन्त्र, धर्मनिरपेक्षता, समानुपातिक समावेशीकरण एवं सामाजिक न्याय लगायतका उपलब्धिहरुको रक्षा गर्दै उत्पीडित वर्ग र जनसमुदायका अधिकारहरूको प्राप्तिका लागि पार्टी निरन्तर संघर्षरत रहने छ।
पार्टी सञ्चालन जनवादी केन्द्रियताको सिद्धान्त र नेपालको संविधानद्वारा घोषित प्रक्रियाको आधारमा हुनेछ । सामुहिक निणर्य व्यक्तिगत उत्तरदायित्व तथा सामुहिकताको केन्द्रीकृत अभिव्यक्तिको प्रणालीलाई अबलम्वन गरिनेछ।
समाजवादी क्रान्तिको कार्यदिशा अनुसार पार्टी सदस्यहरु पार्टीको दृष्टिकोण, सिद्धान्त, विचार, नीति तथा कार्यक्रमलाई आत्मसात गर्दै, पार्टीको एकतालाई अझ सुदृढ तुल्याउन र सामाजिक, आर्थिक तथा साँस्कृतिक रुपान्तरणका लागि तत्पर रहनेछन्।
१० वर्षको महान् जनयुद्ध, विभिन्न समयमा चलेका सशस्त्र आन्दोलन, ऐतिहासिक संयुक्त जनआन्दोलन एवम् मधेशी, आदिवासी जनजाति लगायत सबै प्रकारका उत्पीडित वर्ग र समुदायहरूद्वारा सञ्चालित आन्दोलनहरुको परिणामस्वरुप प्राप्त भएको संघीय लोकतान्त्रिक गणतन्त्र, धर्मनिरपेक्षता, समानुपातिक समावेशीकरण एवं सामाजिक न्याय लगायतका उपलब्धिहरुको रक्षा गर्दै उत्पीडित वर्ग र जनसमुदायका अधिकारहरूको प्राप्तिका लागि पार्टी निरन्तर संघर्षरत रहने छ।
पार्टी सञ्चालन जनवादी केन्द्रियताको सिद्धान्त र नेपालको संविधानद्वारा घोषित प्रक्रियाको आधारमा हुनेछ । सामुहिक निणर्य व्यक्तिगत उत्तरदायित्व तथा सामुहिकताको केन्द्रीकृत अभिव्यक्तिको प्रणालीलाई अबलम्वन गरिनेछ।
समाजवादी क्रान्तिको कार्यदिशा अनुसार पार्टी सदस्यहरु पार्टीको दृष्टिकोण, सिद्धान्त, विचार, नीति तथा कार्यक्रमलाई आत्मसात गर्दै, पार्टीको एकतालाई अझ सुदृढ तुल्याउन र सामाजिक, आर्थिक तथा साँस्कृतिक रुपान्तरणका लागि तत्पर रहनेछन्।
नेपाल कम्युनिष्ट पार्टी (माओवादी केन्द्र) को झण्डा
अध्यक्ष कमरेड प्रचण्ड
नेपाल कम्युनिष्ट पार्टी (माओवादी केन्द्र) को चुनाव चिन्ह
